WMI in brief


إيه هو الـWMI؟

WMI دي إختصار لـWindows Management Instrumentation وهو عبارة عن تكنولوجيا مختصة بالتحكم وإدارة نظام تشغيل ويندوز أو ما يسمي بـ Windows Management. يعتبر WMI واحد من مكونات نظام تشغيل ويندوز إبتداً من Windows 2000.

من أهم مميزات WMI و بردو من أهم أسباب تطويره، هو أنه يوفر طريقة سهلة و مباشرة للتعامل مع الـManaged Resources الخاصة بالكمبيوتر من خلال الويندوز. الكمبيوتر ده ممكن يكون Local Computer أو ممكن يكون Remote Computer.

يعني إيه Managed Resources؟

المقصود بالـManaged Resources هي أي مكونات داخل الكمبيوتر يمكن للـWMI انه يتعامل معاها سواء كانت Logical Components زي معلومات عن نظام التشغيل، معلومات عن الـUser Accounts. أو Physical Components زي الـBIOS أو الـProcessor. يعني نقدر نقول سواء كانت Software أو Hardware.

يعني إيه WMI namespace؟

ببساطة الـnamespace هو طريقة لتجميع الحاجات(objects) اللي شبه بعض او مرتبطه ببعض في مجموعة واحده (Scope). مفهوم الـnamespace ده ممكن نطبقه على أي حاجة في الدنيا. هناخد الكمبيوتر كمثال للتوضيح. مكونات الكمبيوتر زي الـMotherBoard,Processor,RAM,Hard Disk دي كلها مرتبطه ببعضها وليها علاقة ببعض، في الحالة دي ان احنا نعملها namespace اسمه ComputerHardware. وبكده أول متسمع كلمه Computer Hardware هتفهم ان المقصود بيها هي المكونات زي الـMotherBoard,Processor,RAM,Hard Disk. دلوقتي بعد ما عرفت يعني ايه namespace من السهل انك تعرف يعني إيه WMI namespace. الـWMI namespace هي الـnamespace الخاصة بكل حاجة يقدر الـWMI يتعامل معاها. يعني على سبيل المثال وليس لبحصر هتلاقي WMI namespace إسمه Hardware ده علشان الـhardware اللي يقدر الـWMI يتعامل معاه. كمان هتلاقي namespace اسمه SQL Server علشان الـWMI الخاص بالـSQL

يعني إيه WMI Class؟

الـWMI بيستخدم الـClasses علشان يوصف الخصائص (Properties) لكل object موجود جوا الـnamespace. يعني مثلاً الـWMI class اللي اسمه Win32_BIOS ده بيبقي جواه كل الملعومات اللي تخص الـBIOS زي نوعه، والسوفت وير اللي موجود عليه، والشركة المنتجة، وتاريخ إصداره.

http://msdn.microsoft.com/en-us/library/aa394554(VS.85).aspx

يعني إيه WMI Provide؟

الـProviders بيستخدمها الـWMI في إنه يطلب (Request) المعلومات عن Managed Resource من الويندوز. يعني مثلاً في DNS Provider علشان تقدر تتعامل مع الـDNS من خلال الـWMI.

http://msdn.microsoft.com/en-us/library/aa394570(VS.85).aspx

يعني إيه WMI Consumer أو WMI Application؟

الـProvider كان وظيفته أن يحصل على المعلومات من نظام التشغيل – الويندوز – و الـConsumer وظيفته أن يحصل على المعلومات من الـWMI أو بمعني تاني أنه يحصل على المعلومات اللي بيحصل عليها الـWMI من الـProviders. الـConsumer ده ممكن يكون برنامج بيستخدم الـWMI، على سبيل المثال برنامج Microsoft System Management Server المشهور بإسم SMS. أو ممكن يكون PowerShell Script – VBScript بيستخدم الـWMI Query.

يعني إيه WMI Query؟

الـWMI Query هو الأمر المستخدم بواسطه الـWMI للحصول على معلومات عن الـobjects.

يعني إيه WMI Query Language؟

WQL هي اللغة اللي بيتك كتابه الـWMI Queries بإستخدامها. وهي لغة فرعية من لغة SQL المستخدمه مع قواعد البيانات Database. مما يعني أن الـWQL تشبه في كتابتها لغة SQL.

يعني إيه WMI Repository أو WBEM؟

الـWMI Repository أو WBEM هو المكان الذي يحتوي على المعلومات الخاصة بالنظام والمستخدم بواسطة الـWMI. يمكننا تخيل الـWBEM أنه قاعدة البيانات DB الخاصة بمعلومات النظام.

الـWMI Repository موجود في:

 SystemRoot%\system32\wbem\Repository%

WMI Tools:

WMI Administrative Tools

WMI Code Creator V1.0

Scriptomatic v2.0

WMI Diagnosis Utility V2.0

التصنيفات :Windows PowerShell الوسوم:
  1. Mohammed Al Mosawer
    يونيو 6, 2009 الساعة 7:52 صباحًا

    Very nice explanation and thank you for it,kindly provide us with more details about WMI scripting.

  2. يونيو 6, 2009 الساعة 1:34 مساءً

    Thank You Mohamed, Inshaa’ Allah I’ll post new posts soon about WMI scripting using Windows PowerShell. Please keep visiting arabianpowershell for updates or register the RSS feeds. Thank You Again

  1. يناير 19, 2009 الساعة 3:48 صباحًا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: