الرئيسية > Windows PowerShell > (PowerShell Commands (Cmdlet

(PowerShell Commands (Cmdlet


قبل منتكلم عن  PowerShell Commands خلينا ندردش زي كل مرة، المرة دي هنتكلم شوية يعني إيه Command. علشان نعرف يعني إيه Command لازم نعرف الأول يعني إيه (Command-Line Interface (CLI، الـ CLI دي الـ User Interface اللي الـ Users بيكتب الـ Commands اللي عايزها تتنفذ بدلاً من أنه يختارها من Menu أو Icon يدوس عليها زي ما بيحصل في الـ Graphical User Interface. معني كده ان الـ CMD ده CLI؟ ايوه … وكمان PowerShell ؟ ايوه وكمان PowerShell. نرجع بقي لـ يعني إيه Command. زي مإتفقنا ان CLI ده Console بتكتب في الـ Commands بتاعتك اللي عايزها تنفذ ، وطبعا الـCommands دي بيبقي ليها طريقة كتابة و تركيب معينه اللي بنقول عليه Syntax. والـSyntax بيختلف من CLI للتاني بس تكوين الـ Commands بيبقي ثابت. أي Command بيتكتب في CLI بيبقي ليه شكل معين:

 CommandName  -Parameter  -Argument

مثال: Ping -t 192.168.1.1.

Command Name: ده بيكون إسم الـ Command ، ليكن على سبيل المثال Ping.

Parameter: ودي بتكون بتعبر عن خاصية من خصائص الـ Command، ولتكن t-.

Argument: ودي بتكون قيمة بتستخدم بواسطة الـ Command عن طريق الـ Parameter ولتكن 192.168.1.1.

دلوقتي بقي ما عرفنا يعني إيه Command نرجع لموضوعنا الأساسي وهو PowerShell Commands. الأوامر في PowerShell بتنقسم لـ4 أنواع:

  • Cmdlets
  • Function Commands
  • Script Commands
  • Native Commands

الـ Cmdlets:

الأوامر في PowerShell بيطلق عليها cmdlets وتنطق (command-let)، الـ cmdlets دي بتتميز بإنها تتبع حاجة اسمها Verb-Noun Pattern أو تتكون من فعل-إسم.  وصلت ولا لسه ؟؟ طيب خلينا نقولها بشكل بعيد عن الكمبيوتر، فعل ألامر في أي لغة ولتكن العربية  مثلا بيتكون إزاي ؟؟ أكيد فعل أمر + مفعول به (إسم) يعني مثلا “إحضر الملف” ده فعل امر يعني Command ، جرب نترجمه للأنجليزية هيبقي Get File،  هي دي نفس طريقة الأوامر في PowerShell بس الفرق الوحيد إنك بتكتب “-” بين الفعل و الإسم يعني تبقي Get-File وبالمناسبة في أمر اسمه Get-File في PowerShell :)، يعني بإختصار شديد الفعل بيحدد الـ Action اللي هيتنفذ و الإسم بيحدد الـ Objects اللي هينفذ عليه الـAction. بداخل PowerShell v2 CTP3 في أكتر من 270 Cmdlets جاهزه علشان تساعد الـ Administrator انه ينفذ الـ Tasks بتاعته بإسنخدام PowerShell وفي نفس الوقت من غير ميتعلم إزاي يكتب PowerShell Script. الـ Cmdlets دي مبنيه على net framework. و موجوده في شكل ملفات DLLs بتتحمل مع PowerShell Process لما بتشتغل.

علشان تعرف كل الـ cmdlets المتاحة داخل PowerShell ممكن تفتح PowerShell console وتكتب الأمرGet-Command وهيجيلك قائمة بجميع الـ cmdlets.جرب وأنت بتكتب Get-Command انك تكتب بس get-com و دوس على TAB وشوف ايه اللي هيحصل ؟؟ هتلاقي PowerShell كمل باقي الأمر لوحده، دي خاصية اسمها TAB Completion ممكن تساعدك لو نسيت Syntax لأمر معين او نسيت بيتكتب إزاي🙂.

الـ Functions:

الـ Functions في PowerShell هي عبارة عن PowerShell Script Code بيتحمل في الـ Memory أول ما مترجم الأوامر Complier – Interpreter يبدأ يشتغل، ودي تعتبر من أسرع أنواع  الأوامر لأنها بتكون مخزنه في الMemory. وظيفة الـ Functions عموماً هي انك يبقي عندك مجموعة من الأوامر بتتكرر كتير جوه نفس الـScript، توفيراً للوقت و المجهود وكمان أحسن وأسرع إداء للـScript يفضل إنك تعمل Function تكتب فيها جزء الـCode اللي بيتكرر و تنادي على الـ Functions دي او تعملها Calling في كل مرة تحتاج تستخدمها. خليك فاكر بتستخدن في إيه لحد منتكلم عنها في موضوع بالتفاصيل.

الـScript Commands:

دي نفس فكرة الـ Functions الفرق بينهم إن الـ Function بتتخزن في الـ Memory والـ Script Command بيتخزن في فايل ps1. وبيتعمله Load كله مرة تشغل فيها الفايل ده. الـScript بيكون أبطيء من الـ Function علشان بيأخد وقت لما يجي يشتغل ويتحمل في الـ Memory. بمجرد تحميله بيشتغل بنفس سرعة الـ Functions.

الـ Native Commands:

النوع ده من الأوامر بيخليك تشغل برامج بتتعامل مع الـ Operating System بس خارج الـ PowerShell، يعني مثلاً تكتب أمر علشان يفتح ملف txt. جوه الـnotepad او تفتح Excel Sheet جوه Microsoft Word. جرب تفتح اي فايل txt باستخدام الأمر ده notepad c:\temp.exe وشوف ايه اللي هيحصل.

التصنيفات :Windows PowerShell الوسوم:
  1. لا يوجد تعليقات.
  1. No trackbacks yet.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: