الرئيسية > Windows PowerShell > مقدمة لـ PowerShell

مقدمة لـ PowerShell


قبل منتكلم عن PowerShell خلينا ندردش شوية عن الـ Scripting وبنستخدمه ليه ومين اللي المفروض يتسخدموا.

لو انت بتشتغل IT Pro وكلمة IT Pro دي تشمل الـ System Administrator, System Engineer, Network Administrator , Help desk كل الناس شغلهم كله بيبقي Administration لنتورك، النتورك دي بيبقي فيها سيرفر، راوتر ، سويتش وكمان شوية يوزرز اللي احنا بنقول علي الاجهزة بتاعتهم Clients. بالنسبة للسيرفر بيبقي في اكتر من سيرفر كل واحد فيهم بيبلعب دور معين ، يعني مثلا تلاقي سيرفر عليه Active Directory – DNS و سيرفر تاني عليه ISA علشان يبقي Firewall و سيرفر تالت عليه Exchange علشان يبقي Mail، في الأول الـ Administration بيبقي سهل وبسيط لكن مع الوقت الدنيا بتكبر و النتورك حجمها بيزيد سواء على مستوي الـ Servers & Application او على مستوي عدد الـ Users. فيبدأ الـ IT Pro يدور على حاجة تخلي موضوع الـ Administration أسهل وأسرع.  وهنا يجي دور الـ Scripting، عن طريق الـ Scripting يبدأ يكتب مجموعة من الـ Scripts اللي تساعده في تنفيذ حاجات معينه يعني مثلا ممكن يعمل Script يستخدم مع اي كمبيوتر جديد وتكون وظيفة الـScript ده انه يـJoin الكمبيوتر ده على الـ Domain.

طيب ايه الـ Script ده .. يعني بيتعمل ازاي و بيبقي شكله ازاي؟؟

الـ Script ده مجموعة من الأوامر مكتوبة في Script File والأوامر دي بتتنفذ ورا بعضها أول متشغل الـ Script. طبعا الـ Script نقدر نقول عليه نوع من أنواع الـ Porgramming لأنك علشان تكتب Script محتاج انك تتعلم Scripting Language تكتب بيها الأسكربت ده. في Scripting Languages كتير زي الJavaScript , VBScript, Perl وطبعاً PowerShell. في Scripting Languages تاني بس كفاية دول كمثال.

دلوقتي احنا عرفنا ايه هو الـ Scripting ، طيب إيه هو PowerShell؟؟

أول لما ميكروسوفت اأعلنت عن النسخة التجريبية من Windows Server 2008 أعلنت معاه عن حاجة معاه اسمها Windows PowerShell.

Windows PowerShell دي ببساطة عبارة عن Shell Scripting Environment اتعلمت مخصوص للـ Windows و أتبنت على net framework. وكان الهدف من انها تبقي مبنيه على net framework. انها تقدر تندمج او زي ما بنقول تقدر تـ integrate مع كل برامج ميكروسوفت خصوصا ان بقي من الواضح ان net framework. بقي حاجة اساسية مع الويندوز وكل برامج ميكروسوفت والدليل على كده ان الnet framework. بيبقي بينزل اوتوماتيك في الويندوز – زمان كنت بتعمله install لما تحتاجه – كمان لو جيت تـ Install اي برنامج من برامج ميكروسوفت هيسألك على net framework. الأول ولو مش موجود هيديك Error.

نرجع تاني لـ PowerShell. لما تفتح PowerShell Console هتلاقي في شبة كبير في الشكل من CMD.exe بس طبعا الشبه في الشكل بس في فرق كبير اوي في الوظيفة والامكانيات. طبعاً في ناس مستغربة وهي بتقرأ الكلام ده واكيد بيتسألوا هي ليه ميكروسوفت رجعت تاني للـ shell بعد كل التطور ده في الـ User Interface، وطبعا التساؤلات زادت لما ميكروسوفت أعلنت عن Windows Server 2008 | ServerCode installation اللي بقي كله shell وفيه شبه كبير من Unix-Linux.
الموضوع ببساطة ان الـ Windows Shell كان ضعيف و محدود الأمكانيات بالمقارنة مع Unix shell ، والسبب انه كان محدود ان مكنش بيدعم الـ pipelining, conditional, and recursive programming. كمان انه مكنش بيوفر للـ Administrator مجموعة كبيرة من احتياجاته،ومع الوقت حجم ويندوز بدأ يكبر و بدأ يقدم خدمات أكتر فبقي من الصعب ويمكن من المستحيل ان الـ Administrator يبفضل يستخدم Windows Shell، بدأت ميكروسوفت تركز أكتر على الـ User Interface علشان تعوض النقص في مشكلة الـShell وبدأت تطور في الـ interface لحد موصلنا للشكل Vista، مع أن الـ GUI بتعمل كل حاجة تقريباً بس لسه مش مناسبة لإحتياجات الـAdministrator. علشان كده ميكروسوفت رجعت تاني تطور في الـShell علشان الويندوز يبقي بيوفر إحتيجات الـ Administrator زي مبيوفرها للـ User. ومن هنا ظهر Windows PowerShell.


ليه PowerShell مختلف ؟؟

  • PowerShell ده أول Shell يكون Object-Oriented Shell، يعني بيتعامل مع كل حاجة جوه الـ Shell environment كأنها Object على عكس أي Shell تاني بيتعامل مع اي حاجة كأنها text. لو دي أول مرة تسمع عن الـ Object-Oriented ممكن تقرأ عنه هنا، الموضوع هيبقي أوضح لما نبدا نستخدم أمثلة.
  • PowerShell Remoting: دي خاصية موجوده في PowerShell بس بتخليك انك تقدر تكتب PowerShell commands and Scripts على اي Remote Computer، يعني من وانت قاعد على الكمبيوتر بتاعك في البيت ممكن تفتح PowerShell عندك و تتحكم في السيرفر اللي في المكتب كأنك بتكتب PowerShell عليه.
  • Backgroud-Jobs: ودي معناها ان PowerShell بينفذ الـ commands/scripts في الـ backgroud من غير اي Interaction مع الـ Interface
  • Native-Shell environment: يعني مش محتاج برامج زي Editor – Compiler علشان تشغل الـ Script .. في PowerShell كل المطلوب انك تفتح PowerShell console كأنك بتفتح CMD.exe، معني كده انك تقدر تشغل PowerShell على اي Windows من غير قلق من ان البرنامج اللي بيتشغل الScript مش موجود على الكمبيوتر.
  • Script-Debugging: دي تخليك تقدر تتابع الـ script / command اللي انت كاتبه وكمان تعمله Debugging من غير متستخدم اي Editor-Compiler.

طبعا PowerShell فيه مميزات أكتر من كده بس انا حبيت اركز على أهم مميزاته و هنتكلم عن الباقية في Posts تانيه.

التصنيفات :Windows PowerShell الوسوم:
  1. Omar Hamayel
    أغسطس 20, 2009 الساعة 12:55 مساءً

    شكرا الك على هالمعلومات القيمه جدا ( لانو انا بالبدايه ) انا عمر من فلسطين و بدرس mcitp server administrator و موضوع ال windows powershell شدني بشكل مش طبيعي مرة ثانيه بشكرك و جزاك الله الف خير انا معك لاحتراف ال windows powershell .

  2. أغسطس 20, 2009 الساعة 7:53 مساءً

    شكراً يا عمر على الكلام ده. بصراحة كنت بدأت أفقد الأمل ان يكون في حد مهتم بـPowerShell وكنت بفكر جدياً اني أقلب البلوج ده بالـEnglish. لكن بعد كلامك ده انا غيرت رأيي و هكمل بالعربي. انا معاك لو احتاجت اي حاجة😉

  3. Omar Hamayel
    أغسطس 21, 2009 الساعة 2:54 مساءً

    شكرا الك انت لكن بدك تستحملني حبتين لانو انا مبتدأ بس معك ان شاء الله بتكون الامور تمام و انا بحترم فيك حب الافاده و نشر العلم للغير فلا تيأس و الله يجزيك كل الخير

  4. Sami
    مارس 5, 2010 الساعة 3:59 مساءً

    الله عليك بش مهندس / شريف طلعت
    حقيقة معلومات تشكر عليها

    كنت أكتب تقرير عن دورة حضرتها ” Course 50321A: Windows 7, Configuring Technology Specialist Course”

    فأوقفتني كلمة PowerShell وحاولت أبحث في النت عن فائدة لهذه الكلمة فحصلت القيمة العضمى للفائدة من موضوعك أفضل بكثير من البرنامج الذي جلست فيه خمسة أيام

    لك قل الشكر والتقدير

  5. مارس 7, 2010 الساعة 12:34 مساءً

    يسعدني و يشرفني انك استفدت من الموضوع، اتمني ان شاء الله انك تستفيد من باقي المواضيع. لو في موضوع معين يخص PowerShell ومفيش معلومات كافيه عنه، رجاء راسلني للكتابه عنه لتعم الإفادة.

    شكراً لمرورك و تعليقك

  6. مارس 18, 2010 الساعة 4:28 صباحًا

    السلام عليكم

    الله يقويك يابطل صراحة اهنيك على اسلوبك في الشرح ومعلوماتك وااصل جزيت خيرا

    اخوك ابو مصعب .. الرياض

  7. مارس 18, 2010 الساعة 7:22 صباحًا

    أشكرك يا أبو مصعب. أوعدك ان أواصل، وبإنتظار وعدك بأن تكرر الزيارة🙂

  8. أبو مصعب
    مارس 25, 2010 الساعة 3:54 صباحًا

    العفو يا استاذي
    واصل انا مهتم جدا بموضوعك واسلوبك في الشرح ممتاز . لا توقف ابدا
    الله يقويك يا اخ شريف و انا احيي فيك اسلوبك المذهل في سرد الشرح بطريقة علمية وبسيطة يستوعبها المحترف و الميتدئ وهذي موهبه لا تجدها الا عند القليل , والشئ الاهم اصرارك على تعليم اخوانك وانا منهم فجزاك الله خير يا بطل .

    عندي سؤال اذا سمحت لي
    هل The powershell اصدارات لكل منها عمل يختلف عن الاخر اقصد اصدار للـ admin و الشبكات واخر خاص بالويندوز فقط عمليات النظام الداخلية . وهل استطيع باستخدامه انشاء كائنات و تعريف متغيرات يعني مثل لغات البرمجة ام لا ؟ ياليت يا اخي تعطينا ما يقدمة البور شيل للمستخدم … واعتذر منك على طول سؤالي…..

    فائق احترامي

    ابو مصعب

  9. mahmoud
    يونيو 18, 2010 الساعة 11:13 مساءً

    انا بشكرك جدا على المقالة الجميلة دي ويا ريت تكتب على كل حاجة بالعربي وللإمام يا هندسة🙂.

  10. abdo
    نوفمبر 16, 2014 الساعة 11:28 صباحًا

    السلام عليكم ورحمة الله وبركاته
    رغم انى جاى متأخر وكمان رغم ان مدير قواعد بيانات بس بصراحه الموضوع مفيد جميل جدااااااا ربنا يجيزك الخير وعلى فكره بعذ اذنك انا عارف طبعا ان لما حد بيشرح ومش بيلاقى حد يتفاعل معاه مش بيقا فيه تشجيع كفايه وبيحث ان الناس مش مهتمه بالنقطه دى بس ياريت اى حد فينا هيشرح حاجه ياخدها اولا انها لله ثانيا انه بكدا بيقدر يرجع ويسترجع معلوماته وياكدها من جديد ثالثا انه ميعرفش مين هيقراء المعلومه دى ويستفيد وتكتب له فى ميزان حسناته انا عارف طبعا ان حضرتك مش محتاج افكرك بس انا بفكر نفسى اولا ثم باقى اخوانى كلهم جزاك الله عنا كل خير بالتوفيق فى حياتك كلها ان شاء الله

  11. نوفمبر 23, 2014 الساعة 6:16 مساءً

    وعليكم السلام و رحمة الله وبركاته،
    بداية أحب اشكرك علي تعليقك، مبسوط جدا انك استفدت و مبسوط اكتر ان لاقيت حد مهتم .. طبعا الواحد بيفقد الحماس لما مش بيلاقي تفاعل بس بحاول علي قدر الإمكان ان اواصل المواضيع .. الحقيقة ان مقصر شوية في الكتابة بس ان شاء الله قريبا هارجع بمجموعة من الفيديوهات اعتقد هيكون ليها تأثير اكبر و اشمل من المواضيع الكتابية.
    جزانا الله و اياكم كل خير🙂🙂

  1. No trackbacks yet.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: