PowerShell Workshop @MS Egypt

PowerShell Workshop كانت يوم الأربعاء والخميس 20،21  يناير 2010. في اليوم الأول إتكلمت فيه عن ايه هو Windows PowerShell  وايه اهم مميزاته و ازاي هو مهم للـ Developers  زي ماهو مهم للـ IT Professionals وفي اليوم التاني كان كله تطبيق عملي على كل حاجة اتشرحت في اليوم الأول. الحمدلله اليوم كان كويس وانطباع الحضور عن الموضوع كان كويس جداً، وعشان كده قررت اني هكرر الموضوع اكتر من مرة.

 

CEC 2009 and windows PowerShell

أعلن Jeffrey Snover ان Windows PowerShell دلوقتي بقي جزء من Microsoft Common Engineering Criteria 2009 وده معناه ان PowerShell  هيكون موجود built-in في أي إصدار جديد من أي سوفت وير هتقوم بإصداره شركة ميكروسوفت إبتداءً من عام 2009.

PowerShell in Windows 7

ميكروسوفت أصدرت النسخة التجريبية (Beta) من Windows 7،و من أهم مميزات Windows 7 هو أن PowerShell v2 يتم تحميله تلقائياً بمجرد تحميل Windows 7. كده يبقي Windows PowerShell موجود على الجيل الجديد من Windows Platform اللي يشمل Windows 7 – Windows Server 2008 مع العلم أن PowerSehll لم يكن متاح في Windows Server 2008 ServerCore ولكن تم إضافته مؤخراً في Windows Server 2008 R2. وطبعا كده مشكلة ان PowerSehll موجود على Windows Server ومش موجود على Windows Client إتحلت وهيبقي الـPowerShell موجود زي الـcmd.exe على أي Windows Operating System، وطبعاً ده هيبقي فرصة لكل الناس انها تعرف وتستخدم Windows PowerShell.

PowerShell v2 CTP3

فريق PowerShell أعلن إطلاق إصدار CTP3 من PowerShell v2. الـ CTP ده إختصار لـ Community Technology Preview و باين من اسمه انه بيصدر مخصوص للـ Community علشان يبدأو يستخدموه و يقولوا رأيهم لميكروسوفت عن ايه الكويس و ايه اللي محتاج يتغير وبناءاً عليه ميكروسوفت تبدأ تطور في المنتج.

لتحميل PowerShell v2 CTP3 ، كمان هتحتاج انك تحمل WinRM CTP3 لو عايز تستخدم الـ PowerShell Remoting.

 PowerShell v2 CTP3 ممكن تنزل بس على Windows XP-SP3, Windows Server 2003-SP2, Windows Vista-SP1, and Windows Server 2008 .

ServerCore بقي بيدعم PowerShell

ميكروسوفت إصدرت نسخة تجريبية من Windows Server 2008 R2 و اعلنت عن شوية تعديلات حصلت فيها. من أهم التعديلات دي ان دلوقتي ServerCore بقي بيدعم Windows PowerShell. جدير بالذكر ان الاصدار الي فات من ServerCore مكنش بيشغل PowerShell وكنا بنحتاج ان احنا نتحايل على الوضع علشان نشغله زي ما كتب Dmitry Stonikov في موضوع عن ازاي تشغل PowerShell على ServerCore . على أد مالطريقة دي كنت ممتازة و حلت المشاكل لبعض الناس لكنها كنت في اغلب الأحيان لا تصلح انها تستخدم غير للتجربة وليس في بيئة الانتاج او ما يطلق عليه Production Environment وده كان سببه ان الطريقة اللي اتكلم عنها Dmitry Stonikov  كانت بتستخدم 3rd party tools وزي ما قولت كانت بتتحايل على الوضع وده في حد ذاته ممكن يأثر على كفاءة و ثبات بيئة العمل و ممكن برده يسبب اي نوع من انواع الثغرات في النظام. في كل الأحوال ميكروسوفت حلت المشكلة و الserverCore بقي بيدعم PowerShell من غير اي مخاوف.